Tuesday, June 9, 2020

“ҮСЭГЛЭЛИЙН ХААД”-1, 2 “СЭТГЭХҮЙ ХӨГЖҮҮЛЭХ - IQ”-ИЙН ТЭМЦЭЭН ЗОХИОН БАЙГУУЛАГДЛАА

Тус төвийн хүүхэд багачууд, сурагчдыг эх хэлээрээ зөв ярьж, алдаагүй бичиж сургах,  хичээлийн идэвх оролцоог сайжруулах, сурлагын чанарт ахиц гаргах зорилгоор: “ Үсэглэлийн хаад ”-1 тэмцээнийг
Ø  2020 оны 02-р сарын 13-нд тус төвийн  “Урлаг” зааланд нийт 8 бүлгийн 8-11 насны 22 сурагчдын дунд 4 үе шаттайгаар амжилттай зохион байгуулсан.
Тэмцээнд оролцогч хүүхдүүд өгөгдсөн үгийг буруу үсэглэж хэлсэн болон өгөгдсөн даалгавраа буруу хийсэн тохиолдолд хасагдах журмаар зохион байгуулагдаж, сүүлчийн 4-р шатны тэмцээнд 4 сурагч шалгаран оролцож, дугтуйн доторх үгийг хамгийн богино хугацаанд зөв байрлуулсан сурагч Сансар ” бүлгийн Н. Отгонжаргал тэмцээний ялагчаар тодорч, “ Боулинг ” тоглоомоор шагнадлаа.
Удаах байранд “ Нархан ” бүлгийн  сурагч Г. Мөнхзаяа
                          “ Ирээдүй “ бүлгийн сурагч С. Энхбаяр
                          “ Тэмүүлэл ” бүлгий сурагч Б. Бямбажаргал нар шалгарлаа.     
Ø  2020 оны 03-р сарын 13-нд “ Үсэглэлийн хаад ”- 2 тэмцээнд тус төвийн 8 бүлгийн 8-14 насны 28 сурагчдын дунд амжилттай зохион байгуулагдлаа.
/ Энэ удаагийн тэмцээнд насны болон ангийн ялгаатай байсан тул багш тухайн сурагч бүрийн түвшинд тохируулан үгнүүдийг сонгосон /  
Тэмцээн 4 үе шаттай зохион байгуулагдсан бөгөөд буруу үсэглэж хэлсэн  болон өөрт таарсан даалгавраа буруу гүйцэтгэсэн тохиолдолд хасагдах зарчмаар зохион байгуулагдаж, тэмцээний 4-р үе шатанд нийт 3 сурагч шалгаран оролцож өгүүлбэрийг хамгийн богино хугацаанд зөв байрлуулсан “ Цоморлиг ” бүлгийн сурагч Н. Отгонтуяа тэмцээний ялагчаар тодорч, гарын бэлгээр шагнагдлаа.
Удаах байранд: “ Тэмүүлэл ” бүлгийн сурагч Б. Насанжаргал,
                           “ Цоморлиг ” бүлгийн  сурагч Ө. Анударь нар  тус тус шалгарч шагнагдаж, улмаар оны төгсгөлийн уралдаанд оролцох эрхээ авлаа.
Ø  Сурагч багачуудын сэтгэхүйг хөгжүүлэх, математик сэтгэлгээг сайжруулах ой тогтоолтыг нэмэгдүүлэх зорилгоор “ Сэтгэхүй хөгжүүлэх – IQ ” тэмцээнийг 2020 оны 03-р сарын 31нд 8 бүлгийн 8-12 насны 32 сурагчдын дунд 5 үе шаттайгаар тун өрсөлдөөнтэй амжилттай зохион байгуулагдлаа.
 Тэмцээнд нас насны хүүхдүүд оюун ухаан, авхаалж самбаагаа сорин уралдаж, багийн эв нэгдэлийг харуулж чадлаа.  
Багийн нийлбэр оноогоор “ Ирээдүй ” бүлэг 20 оноо авч 1-р байр,
                                            “ Тэмүүлэл “ бүлэг 17,5 оноогоор 2-р байр,
                                            “ Нархан “ бүлэг 16,9 оноогоор 3-р байрыг тус тус эзлэв.








Дугуйлангийн хүүхдүүд бүтээлээр үзэсгэлэн гаргалаа

            2020 оны 05 дугаар сарын 15 өдөр буюу “Дэлхийн гэр бүлийн өдөр”-ийг угтан дугуйлан секцийн багш нар 2019-2020 оны хичээлийн жилд хүүхдүүдийнхээ сурч мэдсэн зүйл ололт амжилтыг  найз нөхөд, багш ажиллагсададаа сурталчилан таниулах зорилгоор хүүхдийн төвийн 1 давхарт бүтээлийн үзэсгэлэн гаргалаа. 



Мөн Нийслэлийн Засаг даргын тамгын газраас ирсэн зочидод оёдол зураг, чимэглэх урлалын дугуйлангийн хүүхдүүдийн хийсэн бүтээлийг дэлгэн үзүүллээ.
   


Tuesday, June 2, 2020

БИДНИЙ АМЖИЛТ

Сурагчдын амралтын хугацаанд зохион байгуулагдсан “Үлгэрийн баатрууд амилсан нь” жүжигчилсэн тоглолтонд “Smile бүлэг Орос ардын  “Улаан малгайт”  үлгэрийг сонгон бүлгийн багш, бүлгийн хүүхдүүдийн оролцоотойгоор тоглолт бэлтгэн оролцсон.  Бүлгийн нийт хүүхдүүд авхаалж самбаа, авъяас чадвараа уралдуулан 8 бүлгийн жүжигчилсэн тоглолтоос бахдам сайхан амжилт үзүүлэн 1-р байранд шалгарсан.
Мөн Цоморлиг бүлгээс зохион байгуулсан “Яг түүн шиг” шоунд ICE TOP” хамтлагийн “Үргээ” дууг шинээр сурч, бэлтгэл ханган амжилттай оролцож 2-р байранд шалгарсан ба бүлгийн хүүхдүүдийг бүрэн хамруулж оролцсоноороо онцлог байлаа.  
Эдгээр уралдаан тэмцээнд оролцсоноор хүүхдүүд олны өмнө тайзан дээр гаран нүүр хагарч өөрийгөө илэрхийлж сурах, багаар ажиллах, гоо зүйн мэдлэг олж авах, тайзны соёлд суралцсан олон талын ач холбогдолтой байлаа.