Monday, March 22, 2021

“ОНЬСЫГ ТАЙЛЪЯ”

 Уг тоглоом нь өртөө тус бүр хоорондоо уялдаа бүхий сэжүүрээр холбогдон  нэг өртөөгөөс нөгөө өртөө шилжихдээ дараагийн өртөө явах таавар, сэжүүр бүхий даалгаврыг биелүүлэх  зарчмаар явагдсан.

 Тэмцээнд 8 багш, 6 багийн 60 хүүхэд хамрагдсан бөгөөд бодох, сэтгэх, бүтээх хүүхдүүдийн оролцоог чухалчилсан оюуны өртөөчилсөн ажилбарт даалгаврыг Б.Тэнгэрийнхишиг ахлагчтай баг 14 минутын хугацаанд амжилттай биелүүлж, бусад багуудаа тэргүүлсэн ба ээлжийн багш нар сургалтын хэрэглэгдэхүүнийг бэлтгэн хүүхдийн нас сэтгэхүйн онцлогт тохируулан сонирхолтой, багийн зохион байгуулалтын хэлбэрээр авхаалж самбааг сорьсон, танин мэдэхүйн ач холбогдолтой үр дүнтэй нөлөөллийн ажил боллоо.






“ТАРХИНЫ ФИТНЕСС” ХҮҮХДИЙН ТАНИН МЭДЭХҮЙН ЧАДВАРЫГ ХӨГЖҮҮЛЭХ СУРГАЛТ ЗОХИОН БАЙГУУЛЛАА

Хүүхэд хөгжүүлэх “7С” хөтөлбөрийн хүрээнд нийгэмд дасан зохицох чадвартай,  сэтгэлзүйн хувьд эрүүл, бие хүнийг төлөвшүүлэх зорилгоор 06-11 насны хүүхдүүдийн дунд  “Тархины фитнесс” танин мэдэхүйн чадваруудыг хөгжүүлэх практик сургалтыг зохион байгууллаа. Сургалтад нийт 32 хүүхэд оролцож 100% ирцтэй хамрагдсан.

Багш нар гарын авлага, тараах материал, дасгал даалгаврыг хүүхдүүдийн нас сэтгэхүйн онцлогт тохируулан хийсэн нь сонирхол татахуйц байж, идэвхтэй хамрагдахад нөлөөллөө. Цаашид өдөр тутам хэрэглэж хүүхдийн танин мэдэхүйн чадварыг илүү хөгжүүлж чадавхжуулахад ашиглах бүрэн боломжтой юм.










Thursday, January 21, 2021

Нархан бүлэг 2021 оноо амжилт бүтээлээр угтлаа

 Манай бүлгийн охид 2020 оноо амжилт бүтээлээр үдэж 2021 оноо баяр хөөр дүүрэн угтлаа. Тухайлбал Г.Аззаяа хүүхдийн төвийн “Авьяаслаг хүүхэд”, Э.Марал ном уншигчдын клубын идэвхтэн сурагч бөгөөд  Д.Нацагдоржийн нэрэмжит төв номын сангийн шагнал болох шилдэг уншигч Нацагдорж тэмдэг, нэр бүхий 5 охин азын сугалааны азтанаар шалгарч урам зориг дүүрэн хуучин оноо үдэж шинэ оноо угтацгаалаа.

Бид 2020 онд дэвшүүлсэн зорилгодоо 100 хувь хүрч, хүүхдийн төвийн “Шилдэг бүлэг”-ээр шалгарсан амжилт гаргалаа.

Бүлгийн охид болон нийт хүүхдүүддээ 2021 ондоо аз жаргал эрүүл энх сайн сайхан бүхнээр бялхаж байхын ерөөл дэвшүүлье.